cAmMoOnH's profile.: cAmMoOnH :.PhotosBlogListsMore  |  Tools Help |
.: cAmMoOnH :.بدون كلامـ كتير بختصار »»» اطمح في المستحيل |
||||||||||||||||||||||||||||||||||
|
1/7/2007 العيد - النخيل - ماليزيا   يعني مااعرف ايش اقول بس مره وحشتوني
من زمان ماحكيتكم اخباري لا تخافو اليوم حطفشكم خخخ
ولما تعرفو عني كل شي حتعذروني وتعرفو ليش كنت مختفي
 قبل اي حاجه عملت سبيس خااااص بمرض السكري
ياااريت الجميع يزورنا في السبيس
εïз مرض السكري εïз
^_^ اول سبيس لمرض السكر لنجتمع فيه ونساعد بعضنا ^_^ وكمان كتبت بلوق جديد في سبيس
˙·٠•● cA mN mN ●•٠·˙
صدر سيليكون & عروسة مزيفة
زورونااااا كل سنة وكوووولكم طيبييييييييييييين ياااارب
وان شاء الله تكونوووو كوولكم انبسطو في الاجازة
 !!! تحذير !!!
الي قلبو ضعيف لا يشوف الي هنا ينزل للي بعدو
 هاااداااا اول يوم العيد كااان من الصباااح بدري صاااحين
انا وابويا وعمي وموني اموني الدبه ( الحمد لله على سلامتو ) واخوه فاروق
المهم عملنا مدبحه جماعية عند الجزار خخخ
وهادي صورة لااحد المدبوحين
وهادا جانب تاني للدبح
وهادا السلخ
اما الراس هنا قلت لازم يتصور شوفو لسانو خخ باين عليه كان شقي
وبس  زي كل سنة في دا الوقت انا اطلع النخيل مع اهل صاحبي ماجد
مرررره احبهم عن جد احسهم زي اهلي واكتر الله يحفظكم ويخليهم لبعض
مررره انبسطت الحمد لله وكمان الجو كان برررررد فلللللة
هادي السنة حبيت اني اخدكم معايا صورة صور كتيرة اخترت منها هادي
ان شاء الله تعبجكم
 طبعا اكتر شي يعجبني في النخيل الخضااار الي فيها
عن جد طبيعة مره حلوة
وطبعا الجانب التاني الي مررره يجنني في النخيل
الناحية الي تطل عليها في البحر وسقالتها والجتات واليخوت
 وهادا صور لليخوت الواقفه في مرسى جدة لليخوت
هنا سبحان الله وقت الغروب بداية القمر ماكان بيطلع
وهنا في الليل وسبحان الله القمر مضيء
 هادي الصورة انا صورتها اعتبرها صورة تاريخية
لانو فيها جتين بيلعبو مع بعض ورشرشه وفي نفس الوقت كان اليخت من وراهم
هادي صورة بانوراميه لشاطئ في النخيل
وهادي صور عادية لنفس الشاطئ
سوري طفشتكم بصور البحر بس مرررره احب البحر
  جالسين نمزح مع بعض ونتفرج على الاغاني
وكان في رجال اردني يسوي حركات بالرملة
فقررت اني اخليه يسيوي كمونه بالرمل
 وهادي هيا
هنا عجبني شكل القمر في السما فاصورتو صورتين ان شاء الله تعجبكم
 في شي مررره ينرفزني لما اشوف الاطفال مع الشغالات !!؟
يعني بالله الشغالة حتخاف على الاطفال وتنتبهلهم ؟
انا مريت بموقفين الاول
وانا في الشاطئ الرملي لقيت بيبي بيلعب في التراب
وجنبو الشغالة المهم بطالع !! لقيت البيبي بياكل التراب
طبعا شرشحت الشغالة شرشحة زي الهبلة بعدين شالت البيبي وراحت
 الموقف التاني وانا ماشي عادي رايح على الشاشة لقيت
بنوته صغييييرة بتبكي بصوت قووووي وجالسه على ركبها على الارض
والشغالة تسحبها تقلها قومي قومي وهيا مطنشها
المهم انا مررره مااحب اشوف الاطفال وهما يبكو جيت طالعت في البنت
ياناس عليهم مرره تجنن شلتها وجلست اتكلم معاها
بقلها اشبك مين زعلك تأشرلي على الشغالة تقول هادي
بقلها ايش تبغي تقلي ماما وديتها عن دمامتها وراحت جري
 من جد انقهرت كان نفسي الطش الشغالة
مني عارف ليش اهلنا يعتمدو على الشغالات
في التربية مع انو هادي حاجه حساسه
الله يستر علينا ويهدينا كلنا
 اما موضوع العمرة دي شي تااااني حكايتها انو موني اموني جاء من امريكا وقلي لازم ناخد عمرة قلتلو اوووكي على طول مافي مشاكل متى نطلع المهم كانت طلعتنا بعد 4 ايام يوافق يوم جمعة لسا قبل الحج الكلام دا ويااافرحة ماتمت طلعنا مكة وبعد ماعدينا تفتيشين بسلام وصلنا تفتيش الشميسي
هادا هو العسكري الي طلعلي كرت الحجز خخخ طاولة مدرسة الله يفشلهم خخخ بعد كدا رحت وقفت السيارة في اخر الساحة دي
ويجي الشاطر الي بالجيب دا ياخدنا يجيبنا عند الباصات
وهادا الجيب
وهادي الصور واحنا في الجيب موني الدبه راكب قدام وانا ورا خخخ
شوفو الشباك !! وربي قفص
المكان الي احنا فيه مافيه ولا ليموزين ابدا
فا تلاقي باصات النقل الجماعي واقفه تركب وتمشي
والباصات الي واقفه قديييييييييمه معفنه بقوة
وهادا سواق الباص
وهادا الباص من ورا فاااضي
وبعد ماخلصنا من العمرة رجعنا تاني لتفتيش الي في الشميسي
عشان اطلع السيارة من الحجز ومررره مو راضيين يقلي تعال بعد العيد
 من جد عااالم لسا متخلفه مدري متى حيتطور ؟؟المشكلة تشوف ناس من برا المملكة يعني احنا اوكي متعودين
بس في ناس تنحجز سياراتهم وهما جيين بسيارة وحاطين اماال عليها
من جد مره صعب من جد يشوهو سمعت البلد
اتخيلو خرجت من البيت الساعة 5 الفجر وطلعنا مكة
مارجعت البيت في جدة الا الساعة 3 العصر !!! مره كتير
 والحمد لله في النهاية طلعت السيارة
وهادا القسم الي اتلطعنا عندو خخخ
شوفو هادي الساحة الي يحجزو فيها السيارة !! اتخيلو حتتعبى كلها
طبعا السيارات باينه نقطه عشان كدا في جيب يرجعنا مره بعيد
وهادي صورتين للحرم صورتها من السطوح فووووق
 انا ومااليزيا دي حكاااية سبب انقطاعي عن السبيس ماليزيا
كنت افكر اسافر ادرس وقلت ياولد شد حيلك وعلى ماليزيا
ارسلت واوراقي وجاني قبول في الجامعة وقررت اني اكمل دراسة
واسيب الشغل وبس استقلت من العمل وسافرت كان في تاريخ
10/10/1427
رحت هناك واول ماوصلت المطار استقبلني مندوب من الجامعة
MULTIMEDIA UNIVERSITY الي عندو خبره في ماليزيا انا طلعت ادرس في
موقع الجامعة في ملاكا تبعد عن كوالامبور 180 كيلو تقريبا
وهادي الرحلة بالصور
بعد 9 ساعات في الجو وصلنا مطار كوالالمبور
زي ماقلت استقبلني مندوب من الجامعة في المطار
وخلصلنا موضوع الدخول وعدينا من التفتيش مافتشو ولا شي
لاننا طلاااااااااااااااااب مررره يحترمونا مره حلو
المهم الباص دا الي اخدنا من مطار كوالامبور إلى ملاكا على طول
عجبني في ماليزيا الطبيعة والدنيا الخضرااااا سبحان الله
واحنا في الطريق نزلت مطره مرره فلة
وهادي الصورة وانا في الباص والدنيا مغيمه ومطره
كان معايا في الباص تقريبا 5 سعوديين وواحد يمني وواحد سوداني
واتنين إيرانيين في بعضهم جين على الخطوط الماليزية
وبعضهم القطرية والايرانيين جيين على من المانيا
المهم بعد الرحلة التانية الي في الباص ماوقفو الا قدام السكن
هو سكن قدام الجامعة على طول بس مو سكن الجامعة
وهادي صورة تانية لسكن من بعيد
وهادا الجامعة
MULTIMEDIA UNIVERSITY هادا مدخل الجامعة
وهادا سكن الجامعة
اتعرفت على هناك انسان جدا جدا محترم تونسي اتربى وعاش في قطر
اسمو مجدي مجددددددددددي وحشتني ان شاء الله تكون مبسوط
وانا ومجدي سكنا مع بعض في غرفة وحده عن جد كان صديق صدوق خخ
اول ماسكنا سكنا في الدور الاول انبسطنااااااا عشان الدرج عااالي
لما دخلنا الغرفة لقينا نصها اوكي والنص التاني مقفل
وبعد المصايب الي سويناها في الغرفة طلعو غلطانيين
المهم ويافرحة ماتمت غيرولنا الغرفة سارت في اخر دور الدور الرابع
حوريكم الدرج الي اطلعو عشان اوصل الغرفة
 اتخيلو اطلع دا الدرج ؟؟؟ ترى مو بس دا لااا في 8 زيو !!!!؟ من جد تعب
اول مااوصل الغرفة ادور السرير وعلى طول انسدح من جد تعععب الدرج
للاسف السكن الي فيه مافي مكيف شوفو التكيف الي عشت عليه
اول ماسكنت رحت اشتريت تلاجا لانو مررره احتاجها عشان الادوية وكدا
وطبعا خليتها مطبخ خخخ شوفو التوست فوقها وملعقة وعلبة تونة
وهادا الحليب مررررره طعم من جد اتوحشت عليه هناك
اما هناك كنت اصحى تعباااااان السكر منخفض وارتجف وقلق
والوقت مررررررره بدري طبعا الدنيا غير جدة في اي وقت تلاقي الي تبغاه
لا مره غير كانو يقفلو تقريبا 9 الليل ويفتحو تقريبا 10 الصباح
فالما كنت اصحى تعبان اضرب مشواااار الين
7 ELEVEN
عشانو مفتوح على طول وهادا هو
جلست هناك 5 ايام كانت مررررره صعبه السكر دا هد حيلي الحمد لله
بس بعدين قررت اني ارجع سعوديتنا حبيبتنا مني قادر انام في ملاكا
خلاااص مره وصلت معايا من الليل طلعت على مطار كوالامبور
مع هادا التكسي السواق على اليمين خخخ
اصلا في مرة كنت حركب مكان السواق خخخ
وهادي كراسي الانتظار الي جنب البوابة جلست عليها
الييين مادخلونا وفتشونا ورجعت بسلااااااام واماااااان
بس من جد اتعلمت حاجات مرررررره كتيرة من السفره دي
ودحين رجعت نفس شغلي الي كنت شغال فيه والحمد لله مبسوط وهااداا إسماعيل اخويا الصغير
الله يعافيه ياااااااارب ويخليه لينا
 プレイステーション3 << بلاي ستيشن 3 بالياباني  البلاي ستيشن 3
PS3
PlayStation 3 وهي اختصار لـ
هي نظام العاب الفيديو من سوني التي تملك حاليا البلاي ستيشن 2.ولقد تم اصدارها في 2006/11/11 في اليابان ويمكن للساكن في اليابان شراء الجهاز حاليا و هي تعتبر تكملة لسيرة البلاي ستيشن 2 ,التي تعد حاليا من اكبر المنافسين و بشكل خاص لجهاز شركة المكيروسوفت اكس بوكس 360 و جهاز شركة النيتندونيتيندو ويي و كذلك تمتاز عنها بشكل التي تتعدى مساحة تخزينها ال50 غيغا وبامكانية اللعب المتعدد المجاني على الانترنت. ايضا تمتاز بقبضةالتحكم الجديدة التي تعمل لاسلكياً بنظام البلوتوث بعدد أقصى يصل الى سبع قبضات معاً. يستفيد هذا الجهاز من الكاميرا الخاصة به للالعاب فيمكن للاعب التلويح بيده او الاشارة برأسه حتى ينهي الالعاب دون الحاجة الى ذراع تحكم او فارة الحاسوب او لوحة المفاتيح و هذه التقنية تشبه تقنية سبق استخدامها في هوليوود لصنع الافلام ، الجدير بذكره ان هذه التقنية متوفرة في كاميرا الاومي فيجن . الجهاز يحمل بين طياته اقراص صلبة متعددة واعلنت شركة سوني عن طرحها لجهازينها الاول بسعة 20 قيقا والثاني بسعة 60 قيقا هكذا فان المستهلك سيتمكن من تخزين الموسيقى او صفحات الانترنت او حتى افلام الدي في دي الرقمي بكل سهولة. بلاي ستيشن 3 تأتي بثلاث ألوان أسود فضي و أبيض و يمكن تركيزها أفقياً وعمودياً
وإليكم بعض الصور امم وإلي بيستناه انا شخصيا سألت عنو في سوني
قالولي انو اكيد اكيد حتوصل نسخة الشرق الاوسط في مارس
وسلاااااامتكم
  انا في الشغل مرررره اطفش فا ادخل مواقع مره كتير
 بكل اللغات عربي انقلش فرنسي عبري مشاااكلالمهم وانا في موقع اروبي لقيت الصورة دي عجبتني فاحبيت اوريكم هيا
 هادا الحلاق صورتو يوم العيد كان زحمة خخخ
اما هادي شي من جد غريب الصورة دي صورتها بنفسي
في جدة طبعا لمواقف عامة وقدامهم على طول محطوط
 علامة ممنوع الوقوف ؟!!! من جد ايش يبغو ؟ وهادا جوالي مرررره عاجبني انا عندي الاسود
صورت الصورة بنفس الجوال بعد مااشتريتو خخخ
سوني اريكسون
W850i
اما دي تضحك وتحزن في نفس الوقت خخخ
 والبقية شوية صور عجبتني حطيتها << مره عاجبني لاني مره احب المكرونة
   يلاااا ان شاء الله تكونو ابنسطو عندي
وزوروني تااااني لا توحشوني بيبااااي
8/1/2006 اوضاع الصيف 2006  يااهلا وسهلا اتفضلو
وانا عارف اني قليل ادب اتأخرت في البلوق سامحوني
مرررررررررره شكرا لكل الناس الي في سبيسي ويزوروني دايما الي بيتحفوني بتعليقهم والي بيقرأو بس مرررررررررره مبسوط بيكم الله لا يحرمني منكم
بدون مقدمة طوويلة على طوول ندخل في اخر التطورات
اول شي قبل فترة سافرت الرياض سفره سريعة مسرعة
سافرت يوم السبت الليل كان اقلاعي الساعة 11.5 الليل
ورجعت الاتنين من الرياض كان اقلاعي الساعة 10.5 الليل
بس بصراحة مرررره انبسط في الرحلة بس الجو حار اقلكم القصة
يوم السبت كالعادة كنت مداوم في الشركة اتصل عليا ولد عمتي عشان موضوع قلي لا تهملو وشوفو , ولازم اطلع الرياض عشان اشوف الموضوع
على طول سافرت في الليل بالقوة لقيت رحلة ورحت الرياض زمان عنها استقبلني سواق عمتي خخخ كلهم مسافرين في مصر مافي الا زوج عمتي في البيت المهم جاء اخدني السواق ورجعت البيت على 2 الفجر شفت زوج عمتي قلي السواق بين يدك واعطاني مفاتيح البيت ونمت وهو نام
تاني يوم من الصباح خرجت شفت مشاويري وشفت الرياض مررره اتغيرت ماشاء الله حلووووة مره عجبتني اول مرة اشوف الفيصلية والمملكة لايف قدامي وصورتها خخخ شوفوها
انا عجبني برج المملكة اكتر بس للاسف ماكان عندي وقت ادخل ولا واحد منهم ان شاء الله اجي بعدين مخصوص عشان اتمشى
اما في بيت عمتي شفت شي خطيييير عجبني وقلت اوريكم هو
شايفين القفص دا ؟؟؟؟؟؟
 ايش رأيكم ؟؟؟ فيه ؟؟؟ حلو ؟؟ عارفين ايش جوتو ؟؟
فار خخخ شوفوه يجنن
كان نفسي اطلعو من القفص والعب فيه تفغييييص خخ
بس لااسف مو حقي وخفت يسير فيه شي
وفي غرفة عبد العزيز ولد عمتي لقيت شي
اتذكرت نفسي زمااااااان هههههههههههههه
كنت طول عمري جالس على الكمبيوتر
اول ماعرفت شي اسمو نت مرة كنت مدمن
ولا كمان لابس نظارة خخخ شخصية شكلو
واليوم التاني كمان من الصباح رحت شفت باقي الشغلات والحمد لله ورجعت البيت نمت ساعة ومشيت على طول على المطار الساعة 2 الظهر اما انا والمطار مرررره نرفزة كرهت الخطوط السعودية داك اليوم من الساعة 2 الظهر الين الساعة 7 المغرب وانا واقف على رجولي عند الانتظار وطلعت 4 رحلات وماطلعت ولا على اي وحدها منهم ولا كمان معايا في الانتظار ناس مره كتير من بدري كمان جيين في دا الوقت لازم من الاتصالات والهبالة
المهم ماجات الساعة 7.5 الا انا قطعت البوردينق حق الرحلة الجيه الساعة 10.5 اقلاعها من الرياض ورجعت جدة احلى شي في الموضوع انو وانا رايح وانا كمان راجع جالس جنب الشباك خخخ بس في الرجعة طلعتلي قروووون جنبي اتنين اتعرفو على بعض وكلاااام وهرووووج وانا مرررره تعبااااان مني قادر افك عيني بس الحمد لله كانت رحلة حلوة
 انا وصحتي
الحمد لله ماشي حالي
اخر مرة راجعت الدكتور كان حيضربني احم
كان مرتفع رحتلو السكر 294 قبلها اكلت بسكوت خخ
المهم دحين مررررره مشدد على نفسي مااكل ولا شي مره
وصورت إبري زي العادة خخخخ بس بشكل تاني
اجلس العب فيها لما اطفش
ادعوووووووووووووووووولي
شـــــي غـــــريـــــب
قبل فترة قصيرة وانا الفلف في السبيسات لقيت وحده كاتبه بلوق وفي البلوق تتكلم عليا !! مني عارف ايش اقلها ؟؟
انا مرررره مستغرب ومتعجب !! بتقول انو ماسار في رجال وكاتبه كم شي مو حلو وزعلانه اني انا ولد والثيم حقي على قولها اصفر ليموني مني عارف ايش تبغى وليش بتتكلم كدا بس انا حابب اوضح شوية اشاء انو الحمد لله انا واثق من نفسي وان شاء الله انو كل شي اسويه صح وهادا مو غرور او تكبر او اني انا مااسوي شي غلط لا وعلى موضوع لون الثيم حق السبيس ترى انا قايل بمناسبة الصيف بعدين الثيم كلو شموس وغيوم كيف سار ثيم للبنات ؟؟؟؟ غير دا كلو بعد ماجوه عندها ناس وكتبو كومنتس وعلقو على البلوق حقها اليوم دخلت سبيسها لقيت البلوق من اساسو محذوف !! اشاء غريبه عند البنت دي
شي تاني الي مو فاهمو يفهمو انا من جدة يعني لهجتي جداوية
والكلام الي اقول كل اهل جدة يتكلمو تقريبا
هادي الملاحظة لانو الي كتبت الكلام عني مو من الغربية
فاياريت تعرف دا الشي كمان وشكررررا
والله يهديها ويهدينا ولو زعلانه مني سامحيني
بس عن جد انا الين دحين مستغرب انو بتقولي كدا
انا وتطورات سبيسي المتواضع
₪ جداري ₪
اول شي لست خصوصياتي اضفت فيها اشاء جديدة
سار عندي جدار خخخخ
  يله كوووولكم اكتبولي عليه فضلا وليس امرا إلى الجدار
₪ بوسات ₪
وكمان اضفت في اللست لكل الي يدخلو سبيسي البوسات دي كلها
₪ اغنيتي ₪
وكمان اضفت اغنيتي اسمعوها مرره تعجبني مررره مدمن عليها
وكمان اللست الاخبار الساخنة الي لوحدها تتجدد
مرررره عاجبتني كل يوم اشوف العناوين منها
موجودة على اليسار
حطيت في الاطراف صورة منظر الغروب ان شاء الله يعجبكم
واضفت لليست دروس لسبيسات الدروس الجديدة الي نزلت في موقع دليل المساحات العربية شوفوها حلوة
واضفت ليست جديدة اسمها
موجودة على اليسار
وفي كمان لعبة مرررررره حرقتلي اعصابي خخخ اضفتها
يله العبوها وقولولي ايش سار فيكم لما وصلتو النهاية
وانا ألفلف في السبيسات وبتحديد في سبيس
لقيت شي مرره عجبني في سبيسها
عن تحليل الشخصيات انصحكم كولكم تجربو الموقع
اما انا هادي النتيجة الي طلعت معايا
يعني النتيجة 99.9% انا
الكلام مره صح
النتيجة بسم الله الرحمن الرحيم السلام عليكم ورحمة الله وبركاته وبعد أهلاً وسهلاً بك وإليك تحليلاً مفصلاً لشخصيتك وأرجو منك ملاحظة التالي:
1.
إن غاية هذا التحليل بل الموقع كله هي مساعدة المتلقي في معرفة نفسه طاقاتها وقدراتها واستخدامها في تحقيق السعادة في الدنيا والآخرة
2.
إن دقة ما في هذا التحليل يعتمد على صدق ودقة الإجابات التي تم إدخالها إثناء الاختبار وحسب حالتك الشعورية أثناء الإجابة ومدى فهم الأسئلة.
3.
لا بد من قراءة التحليل قراءة متمهلة بقلبك لا عينك فقط وقراءة كاملاً دون ترك أي جزءً منه
تحليل الشخصية في أحسن حالاتها
أنت إنسان شديد الاجتماعية لا تستطيع أن تعيش بدون الناس دافئ المشاعر شديد التعاطف مع الآخرين , تساعدهم وتراعي مشاعرهم وأحاسيسهم وأنت بشكل عام متعاون ونشط. تحب دائما لعب دور المساهم أو المانح الذي يعطي من وقته وجهده كل ما يستطيع ليتأكد أن حاجات الآخرين قد لبيت تماما وقد تم قضاؤها في أي مكان تحل فيه. تحب دعم العادات والتقاليد الطيبة وتطويرها وتقدر الأنشطة الاجتماعية كالمناسبات العامة من الاحتفالات ومراسم الزواج أو العزاء وتحب أن تتم حسب الأصول المتبعة.
دفء مشاعرك يجعلك تشع خيرا ونشاطا لا شيء يحمسك مثل قبول الآخرين لك ولا شيء يؤلمك مثل التجاهل أو عدم التنبه أو الاهتمام لك أو القسوة عليك. الأوضاع المكهربة أو المشدودة والخلافات تشعرك بالقلق وعدم الارتياح وتعمل كل ما بوسعك حتى لا تحصل تلك الأوضاع أو الخلافات المزعجة.
أنت إنسان واقعي عملي صاحب رأي وقرار ومتواضع . وأنت كذلك من الناس الذين يتمتعون بممتلكاتك الشخصية وحاجياتك الخاصة مثل سيرتك أو بيتك أو ملابسك أو حتى أدواتك المكتبية وتجيد الاعتناء بها عناية فائقة. من مميزاتك الرائعة أنك بالغ الحساسية تجاه احتياجات الأشخاص وتجيد توفير العناية العملية الفعلية بالآخرين خصوصا في مجال الصحة والأعمال الخيرية لأن سعادتك وراحتك النفسية تأتي من راحة الآخرين وسعادتهم. ولكن هذا الأمر للأسف قد يكون سبب متاعبك مع الآخرين لأنك تقتل وتشغل نفسك بالتفكير فيما يظن بك هؤلاء الآخرون ويشغل هذا الأمر بالك ليل نهار ولأنك حساس جدا للنقد خصوصا النقد الشخصي الموجه لك أو للخدمة التي قدمتها.
عندما تأتي المناسبات فلا أحد يضاهيك فيها فأنت ملك المناسبات بلا أدنى شك ولك قدرة على التعرف على الآخرين بسهولة وعندك ثقة , بل أنك تبدو وكأنك متنبه لحاجة كل من هم في المناسبة وأنت تعتبر مضيفا من الطراز الأول قادر على تذكر أسماء وسمات ضيوفك حتى لو أنك عرفتهم لمرة واحدة فقط.
عموما أنت إنسان تحب بسرعة وتبغض بسرعة ولا تجد غضاضة أو إحراج في التصريح بذلك. من تحب تجعله على قمة عرش قلبك كما يقال ولكنك شديد على الناس أو الأمور التي لا تهتم أو تأبه بها أو لا تحبها.
ابرز العيوب في شخصيتك
إليك في هذا الجزء من التحليل ابرز عيوب شخصيتك التي تحدث عادة في الإنسان وهي متفاوتة في القوة والضعف حسب قوة إيمانك بالله فكلما زاد إيمان الإنسان زادت قدرته في السيطرة على شهوات ومنعها من أن تجره للوقوع فيما يضره في الدنيا أو في الآخرة وقد قال الحق سبحانه وتعالي " فَأَمَّا مَن طَغَى (37) وَآثَرَ الْحَيَاةَ الدُّنْيَا (38) فَإِنَّ الْجَحِيمَ هِيَ الْمَأْوَى (39) وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى (40) فَإِنَّ الْجَنَّةَ هِيَ الْمَأْوَى (41) " وهذه هي أبرز عيوبك:
الإفراط في بعض الأحيان في الشعور بالإحباط عند عدم قدرتك على تحقيق توقعات الأشخاص الذين تقدر وقد تسود الدنيا في عينك لأجل ذلك وتناسى أن الحياة مجرد اختبار وابتلاء من الله يمر فيه الإنسان أثناء حياتك وقد قال تعالى: تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ (1) الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً وَهُوَ الْعَزِيزُ الْغَفُورُ" فهذه الحياة كلها ابتلاء وقد قال تعالى: "وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ وَكَانَ رَبُّكَ بَصِيرًا" ومعنى فتنة أي اختبار والناجح هو الذي يصبر ابتغاء ما عند الله في الآخرة فكل واحد منا هو بمثابة اختبار للآخر, هل سيتعامل معه ويعاشره بما يرضي الله؟ أم سوف يتبع طريق الشيطان وهوى النفس؟
التحسس الشديد تجاه المدح والذم خصوصاً من قبل من يهمك أمرهم ونسيان أن المهم هو أن يقبلك الله وليس الناس فقد جاء في الأثر "أن من أرضا الناس بسخط الله سخط الله عليه واسخط عليه الناس ومن أرضا الله بسخط الناس رضي عليه الله وأرضا عليه الناس" فهل يستحق الناس أن يرضوا دائما حتى على حساب نفسك؟و لا تنسى أن الدنيا دار ابتلاء وأن البشر مختلفين في الأصل وكل واحد منهم ميسر لما خلق له وله وجهات نظرة المختلفة فالمسألة امتحان لك في هذه الدنيا هل تصبر أم لا؟
الاعتماد على الأحاسيس والمشاعر والرغبات الداخلية عند الحكم على الأشياء أو الأشخاص فمثلاً قد يكون عندك حكم أو موقف من أمر أو إنسان بناء على مشاعرك وقد قال الله سبحانه وتعالى: "يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ(6).
الخوف والقلق الدائمين خصوصا بشأن أمن واستقرار أولئك الذين يهمك أمرهم وقد قال الحق سبحانه : "مَا أَصَابَ مِن مُّصِيبَةٍ فِي الأَرْضِ وَلا فِي أَنفُسِكُمْ إِلاَّ فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ (22) لِكَيْلا تَأْسَوْا عَلَى مَا فَاتَكُمْ وَلا تَفْرَحُوا بِمَا آتَاكُمْ وَاللَّهُ لا يُحِبُّ كُلَّ مُخْتَالٍ فَخُورٍ (23)" فكل ما يحدث للإنسان من مصائب وأمور يظن أنه لا يحب أن تقع فهي مكتوبة عند الله ولا يمنع وقوعها خوف الإنسان من حدوثها وقلقه وتوجسه, فلماذا لا يصبر الإنسان على قدر الله خصوصاً أن ما بيده شيء حيال ذلك.
عدم و جود البيئة المناسبة
أوضحت الدراسات أن من يحمل نفس شخصيتك , إذا لم يجد المكان والبيئة المناسبة التي يمكن لهم فيها استخدام المهارات التي وهبه الله له ولم تقدر إسهاماته بالشكل الذي يرضيه فعادة ما يحبط وربما يحدث له الآتي:
1.
يشكون في قدراتهم و ينفقون جل اهتمامهم في أرضاء حاجات الآخرين .
2.
يصبحون قلقين و دائمي الشعور بالذنب
3.
يصبحون متحكمين في نزعاتهم لفرض التوافق و التناغم فتسمع منهم كلمات مثل لا بد أن نحب بعض البعض بالرضا أو بالغصب.
تحت الضغط الشديد
عندما يصبح من يحمل هذه الشخصية تحت الضغط الشديد فقد يجدون أنفسهم منتقدين لأنفسهم وللآخرين دون وجود أدلة كافية على صحة الانتقاد. ويصبحون متشائمين ومتشككين و قد تسبب لهم ظنونهم و آراءهم السلبية الكثير من المتاعب بشكل كبير. و لمزيد من المعلومات تستطيعون الدخول الى المنتدى الالكتروني الخاص بموقعكم و الاستزادة عن كثير من الحلول لتقوية مكامن الضعف في شخصيتكم و تدعيم مكامن القوى على طريق تطوير الذات و تغيير مجرى الحياة
عنوان المنتدى الالكتروني وهادا موقع تحليل الشخصية
شوفتو التحيليل >> لا تستطيع أبد أن تعيش بدون الناس
يعنننننننننننننني لا تووووحشوووووووني
وكمان >> سعادتكم وراحتك النفسية تأتي من راحة الاخرين وسعادتهم
يعننننننننننننني ماابغى اشوف ولا احد مبرطم خخخ
يعني بوزك برا (صعبتها) يعني زعلااااان
وكمان >> انت انسان تحب بسرعة وتبغض بسرعة ولا تجد غضاضة أو إحراج في التصريح بذلك
يعننننننني الي في قلبي على لساااني بس احيانا اخبي اكتتتتوم في نفسي عشان ماازعل او اضايق احد>>> ياريت محد يزعل من دا شي
اما هنا انسانه مرررره تعجبني اغانيها
وحبيت انكم تسمعوها معايا
اصــــــــالــــــــة ان شاء الله تكون عجبتكم
كيكه كمونة
اتفاجأة قبل كم يوم فتحت الايميل !!؟
لقيت وحده لزوزا راسلتيلي هادي الصور
حتى لما اكلوها رسلتي الصور خخخ بالعافية عليهم
عن جد الكيكه دي مره كان نفسي اكلها منها
وتسلم يد الي سوتها
ان شاء الله انبسطو عندي
زي ماانا مانبسط لما اشوفكم معايا
 aMeEn
7/5/2006 بداية الصيف  بعد السلالامـ
 وحشتووووووووووووووووني مره وحشتوني وكيف حالكم انتو ؟؟
اما انا اليوم حطفشكم بكلامي الكتير
وقبل مااكتب اي اي حاجة راح اشكر واحد واحد كوووول الي شرفوني في بلوق كمونه بالسكر عن جد مررره انبسط بيهم كووولهم وبكل كلامهم الحلو ومواساتهم ووقوفهم جمبي الله يسعدهم في كل حياتهم
| mOOnY aMMooNy | ._:EzOoO:_. ▫ ––––•(-•♥لـــيـــده الــــحـــــلوه♥•-)•––––■ ـــــــوღღانــــــ (¯`·._) ( دمــــوع مرهــــونه ) (¯`·._) Club Lebanon® &#*(==>>!!ناوية اعقل!!<<==)*#& °•·ℓσzαz ♡ вσуz·•°
•(-• P i n K •-)• tH!s i5 THE SUPER G!RL's Space .~..~..~.marwa's space.~..~..~.ّّ ..•●♥｡◎♡ misspink DAN｡◎♡ ♥●•.. ҳ̸Ҳ̸ҳ εïз ◦˚ღ˚◦a7la_CaT ҳ̸Ҳ̸ҳ εïз ◦˚ღ˚◦ --»◊♥ دلــــوعـــــــة الــــجـــــــنوب ♥◊«-- ·.·• ( My Little World ) •·.· ۰•● ωαяd αℓנυя! ●•۰ حقت اعز انسان ليا في الدنيا
 ا
وهادا منظر جمالي للإبر الي اخدتها الين دحين خخخ
عن جد ابغى اشكر مس شوشو بنوووته كووول على الاشاء الحلوة الي حاطتها في سبيسها
لاني انا اتعلمت اشاء مررره خطيرة من سبيسها وحيعجبكم اتفضلو زوروها هادا شي من الاتعلمتو من عندها
وبنسبة لااخر تطوات سبيسي اول شي الثيم الجديد الي بمناسبة الصيف والبنر الجديد الي سويتو فوووق والبومات الصور الي اضفتها وكمان اضفت ليسه جديدة اسمها يؤلم القلب لا تفوتكم تلاقوها على اليمين اقرووووها
وفي خبر مرره حلو وخطير فيصل صاحبنا سار عندو ولد ماشاء الله تبارك الله مررره فلة
 سماه بدر مرررره خطيييير وصغنوووووون ماشاء الله وهادي صورتو وهو في حضن فيصول جبلنا هو وكان نااايم من جد ازعجو
قولو ماشاء الله لا تنسو
وودينالو هدية
 ملابس مررره تجنن لبدورينسيت اصورها قبل بس صورتها بعد ماغلفتها
 ننتقل للجانب الفني خخخ
بس الغريب انو في بعدها بكم يوم كان ويك اند رحت النخيل جالس انا وصاحبي في السقالة طفشانيييين نتريق على بعض خخخ الا جاء واحد وهو داخل كدا شكلو يضحك خخخ فايز المالكي الممثل السعودي سلمنا عليه وجلس اتكلم معانا بعدين اتصورنا معاه من جد الرجال خطيييييير وفلاوي طول الوقت ينكت ويضحك وهادي الصورة الي اتصورتها معاه..
وابغى اطلب من كل الي يشوف البلوق هادا يساعد الوحيده الي طلبت مني اني انشر قصتها في سبيس القصص
واكيد راح تكون موجوده وترد وتتناقش مع كل الي يتجاوب معاها القصة بأسم Oo..احرق اعصابي واهين مشاعري..oO
تفضل بقراءة القصة
وليا فترة كتبت اول بلوق في سبيس كمنمن بس مني عارف شكلو مافي احد عجبو !!
المهم الي يبغى يشوف البلوق يتفضل يضغط على قبل فترة تقريبا اسبوعين الخطوط القطرية كانت مسوية حفل في فندق مريديان بمناسبة انهم جابو طيارات جديدة ومدري ايش ومسوين عروض وحركات
وبما انو احنا عملنا ليه دخل في السياحة والسفر كنا مدعوين بس انا واتنين من زملائي في العمل رحنا الحمد لله انبسطنا هادي صورة خاطفة للحفل..
بعد دا كلو انا اشتريت ساعة جديدة
ابغاكم تقولولي ايش رأيكم فيها وهادي صورتها
دحين ابغى احكيكم حاجة سويتها في العمل قبل كم يوم خخخ كانت ساعة فضاااااوة وانا كنت طفشااااان ومنرفززز المهم نزلت حري في كل الشباب كل شوية اتريق على واحد عادي مزح حفيف بس طلعت في راسي خطة اسويها في واحد مررره مطفشني الكلام دا قبل صلاة العصر المهم جلست بعيد عنو في مكتب مقابل المكتب الي هو جالس فيه واخدت ورقة وقلم ومرسام وجلست ارسمو ههههههههههه شوفو كيف طلعت الصورة هيا صورتين الاولى لوجهو بس والتانية كاااملة خخخ
وهادي الصورة كاااملة
اما بعد الفضاوة الضغط الحلو فجأة كدا وانا في المكتب المدير طلبني كلمتين بكرة ياامين تسافر المدينة ؟؟ طبعا مااقدر اعترض ابشر مايهمك
وعلى طول اليوم التاني من الفجريه الساعة 4 مسكنا الخط بسيارتي انا وواحد من اصحابي في العمل وطلعنا المدينة لانو المكتب الي في المدينة مااعتمدو وزارة الحج ورحنا انا وصاحبي نشغلو عشان نقدر نشتغل مع الوكلاء الخارجيين واحنا على اساس نرجع في نفس اليوم بعد ماشفنا الي شفناه وراجعنا الوزارة قالو بكرة على طول رحنا اتغدينا وبعدين على فندق من فنادق الشركة اسمو قصر الخير اخدنا جناح انا وصاحبي وعلى طول نووووم انا صحيت قبلو رحت شفت اهلي وجلست معاهم (لانو انا امي من المدينة اصلا) رحت شفت ام امي وكم واحد من خيلاني وبعدين خرجت انا واصغر خيلاني الشباب مرره فلاوي ولد خالي ورجعنا الفندق اخدنا صاحبي رحنا اتعشينا وبعدين رحنا قهوة النورس واتصلت على كم واحد من اصحابي الي في المدينة وشفتهم وانبسط جلسنا الين الساعة 3 الليل بعدين رجعنا الفندق ونمنا
واليوم التاني صحينا 8 ورحنا المكتب وسوينا شغلنا خلصنا على 11
بعدين طلعنا الحرم جلسنا فيه الين ماصلينا الظهر ومشينا على جدة
كانت رحلة حلوة بس مرره تعبت فيها مع القلق الادوية الحمد لله
اما صاحبي الي كان معايا كل يوم قبل ماينام في العصر وفي الليل يلفلف في الجناح ويزعق
 شكرا ياسليمان وزي كدا الين مايتعب ويناموهادي صورتين صورتها في المدينة الاولى من فووووق من الدور السابع في الفندق والتانية من شباك المكتب من ورا
يلااا يااا حلوووين لا توحشوووني
بيباااااااااااااي
5/28/2006 كــمــونــه بــالــســكــر
هاااااااااااااي على كل الشباب والشابات
طبعا مستحيل اخد اي ابرة قدام اي احد لاني مااحد احد يشوفني وقت الابرة طبعا اشرد ولوحدي طخ طيخ والحمد لله وبعد ماراجعت الدكتور وسويت تحاليل للبنكرياس خفف عليا ماسرت اخد الابرة الي قبل كل وجبة بس إبرة الانسولين اليومية واعطاني حبوب امشي عليها حبة كل يوم في الصباح وقلي لازم تشتري جهاز قياس السكر
وفي النص الجهاز الي يقيس السكر وعلى اليمين مرة اشرطة القياس الي ادخلها في الجهاز واحط عليها الدم
3/18/2006 جيت ومعايا سبيسين جددبسمـ الله الرحمن الرحيمـ
كيف حالكم ؟؟ ان شاء الله طيبين يارب
راح احكيكم ايش عامل في حياتي زي العاده قدمت في كم شركة واستنى احد يتصل يسأل عني !!؟
وانا واصحابي مررررررره فالينها جنان وفلة عن جد مره مبسوطين الحمد لله
ابغى احكيكم حاجة مرره تضحك عن التكليج خخخ بتحديد عني انا واخر تكليجة مررره هبله جيت اقول فتحت أو فكيت عيني عارفين ايش طلعت ؟!!؟ فكحت عيني خخخ
ولا في تكليجة دي على مستوى هادي تكليجة صاحب ولد عمتي جاء يقول ملح وفلفل اسود عارفين ايش قال ؟؟ فلح وملل اسود خخخ
طيب دحين راح اقلكم الاشاء الي شغلتني
قصص × قصص بس مني عارف مالقيت ناس عجبهم السبيس زي ماكنت متوقع !!؟
Oo..سباق سيارات يتحول إلى جنازة..oO
Oo..فتاة تتزوج من كلب..oO
اوكي ابغى اشرحلكم شي عارفين يعني انا قلت انو مااخلي السبيس حق القصص
والي يبغى يضيف قصة يتفضل من هــــنــــا
طيب اوكي الشي التاني الي شغلني لما حسيت انو سبيس القصص مو مرة فلة
˙·٠•● cA mN mN ●•٠·˙
يعني كدا البداية كتبت عن الابراج & حطيت أسماء العربية ومعانيها كل الحروف & نكت & ألعاب رياضية & ألعاب إثارة وعندي اشاء راح تجننكم بس شوية شوية راح تشوفوا في كمنمن اشاء تجنن
السبيس جديد ماعندي فكرة هو حلو يعني مو مرة مني داري ياريت كمان اعرف رأيكم؟
وكمان مررره سوري لاني فجأة قطعت اصحابي وصحباتي ماسرت ازورهم وبلييييييييييييز تقولوا لي رأيكم في السبيسين الجدد
|
|||||||||||||||||||||||||||||||||
Send a private message
Tell a friend
Add to your network
يافرحتهم حجزولي السيارة
الحمد لله وبنسبة للادوية الابرة اليومية زي ما انا ماشي عليها والحبة الي كانت كل يوم في الصباح غيرلي هيا الدكتور اعطاني نوع تاني اخد حبه وحده قبل كل وجبة والحمد لله ماشي حالي دعواتكم..
